Месца тыдня: Лынтупы

14.05.2024 - 14:15 / 34travel.me

Месца тыдня: Лынтупы

Працягваем даследаваць невялікія, але цікавыя месцы Беларусі. Гэтым разам адпраўляемся ў Лынтупы: калісьці тут гуляла віленская шляхта, а цяпер гэта амаль што край свету. Тут знойдзеш схаваныя культурныя скарбы і гістарычныя помнікі – так што паехалі!

З гісторыі

Лынтупы – гарадскі пасёлак на мяжы з Літвой, недалёка ад Пастаў і Блакітных азёр. Упершыню згадваюць мястэчка ў 1385 годзе, калі атрад рыцараў з Дынабурга (Даўгаўпілса) здзейсніў набег на Свірскі замак і па дарозе спаліў Лынтупы. Але людзі тут жылі яшчэ ў X стагоддзі – гэта даказалі археалагічныя даследаванні курганоў і старажытныя балтыйскія капішчы з ахвярнымі валунамі. Назвы Лынтуп і ракі Лынтупкі таксама балтыйскія: lintu з фінскай «птушка», а upė – «рака» на літоўскай.

У Сярэднявеччы Лынтупшчына ўваходзіла ў склад Нальшчанскага княства, якое ў сваю чаргу ўвайшло ў Полацкае княства, а потым у Вялікае Княства Літоўскае. Большую частку сваёй гісторыі Лынтупы знаходзіліся ў прыватных уладаннях розных родаў: Бучынскіх, Астроўскіх, Гільзенаў. У 1459 годзе сын віленскага ваяводы Андрэй Даўгірдавіч пабудаваў тут драўляны касцёл Святога Андрэя. У 1795 годзе Лынтупы адышлі Расійскай імперыі, у 1921-1939 гадах былі ў складзе Польскай Рэспублікі, а далей на тэрыторыю мястэчка прыйшла савецкая ўлада.

Сядзiба Бішэўскіх

55.051995, 26.307047 / Google Maps

Апошнія ўладальнікі Лынтуп, Бішэўскія, былі ўмелымі прадпрымальнікамі і знатакамі прыгажосці. Юзаф Бішэўскі пабудаваў у Лынтупах неарэнесансны палац па праекце польска-літоўскага архітэктара Тадэвуша Раствароўскага, разбіў пейзажны парк з рэдкімі відамі раслін, капліцай, сістэмай сажалак і гранітнай набярэжнай са скульптурамі. У гаспадарчай частцы былі бровар, спіртзавод (ён захаваўся), вежа-вяндлярня (яе выяву можна пабачыць на гербе Лынтуп!) і іншыя гаспадарчыя пабудовы.

З маёнткам Бішэўскага звязаная рамантычная гісторыя пра парыжскую акторку, якая паабяцала выйсці за яго замуж, калі ён пабудуе ёй палац. Але здзелка сарвалася, актрыса