14 маляўнічных сядзібных паркаў у Беларусі

20.02.2024 - 13:37 / 34travel.me

Калі табе неабходна перавесці дух, запаволіцца і падумаць пра вечнае – мы можам дапамагчы. Якраз для гэтых мэтаў мы сабралі больш за дзясятак ідэй для медытатыўных шпацыраў у цені дрэў. Расказваем пра самыя маляўнічыя сядзібныя паркі Беларусі.

Сядзіба Пуслоўскіх «Альберцін»

Слонім, Гродзенская вобласць
53.088646, 25.397065

Маёнтак «Альбярцін» на ўскраіне Слоніма аб'ядноўвае пару будынкаў сядзібы, флігель і вялікі парк з возерам. Уладальнікамі маёнтка былі забяспечаныя князі Пуслоўскія: Войцех Пуслоўскі стварыў тут цэлы прамысловы комплекс з суконнай вытворчасцю, чыгуналіцейным заводам і папяровай фабрыкай. Галоўны будынак у стылі класіцызм (цяпер далікатна-мятнаго колеру) ўпрыгожвае порцік з калонамі і парачка скульптур у выглядзе львоў. За ім стаіць яшчэ адзін будынак – «Зімовы палац», які трохі паходзіць на сядзібу ў Жалудку. У часы СССР будынак зведаў некаторыя змены: яго ператварылі ў спартыўны клуб, упрыгожылі барэльефамі на фізкультурную тэматыку. Акружае будынак вялікі парк: на беразе можна зладзіць пікнік або проста пасядзець моўчкі – і ні пра што не думаць.

Сядзіба Дамейка ў Сітцах

Докшыцкі раён Віцебскай вобласці
54.914062, 27.538365

У XVII стагоддзі маёнтак Сітцы належаў сям'і Бжастоўскіх: яны вырашылі стварыць тут цэлы палацава-паркавы ансамбль. У 1798 годзе маёнтак выкупіў дзядзька Ігната Дамейка – Тадэвуш. Праз нейкі час палац згарэў, і сын Тадэвуша ўзвёў тут новы будынак – гэтым разам драўляны (праўда, ён таксама згарэў). Пасля ўсіх выпрабаванняў лёсу, якія выпалі на долю маёнтка, ацалелі толькі парачка калон, якія засталіся яшчэ ад Бжастоўскіх, руіны некалькіх сцен, барочная ўязная брама і здаравенны дуб-волат, якому ўжо каля 500 гадоў. Кажуць, у прасторным ценю дуба калісьці адпачываў Тадэвуш Касцюшка – а цяпер могуць адпачыць і ўсе ўдумлівыя вандроўцы па Беларусі.

Сядзіба Бохвіцаў у Флер’янова

Ляхавіцкі раён Брэсцкай вобласці
53.092824, 26.266389

Сядзіба роду Бохвіцаў з прыгожым садам з'явілася ў Флер'янова ў 1870 годзе. У сядзібе захоўвалася