«Абняць неабдымнае»: глядзім на беларускія пейзажы Віктара Грамыкі

28.07.2023 - 18:38 / 34travel.me

«Абняць неабдымнае»: глядзім на беларускія пейзажы Віктара Грамыкі

Культурная праграма

2883

Шукаеш ідэю для культурнай вылазкі ў горад? Не прапусці юбілейную выставу Віктара Грамыкі ў Нацыянальным мастацкім музеі.

Жывапіс гэтага народнага мастака дапаможа па-новаму зірнуць на беларускі пейзаж, бо ў адрозненне ад іншых майстроў Грамыка піша родную прыроду не сціплай, ціхай, задуменнай, а вельмі жывой і магутнай. Вопытнае вока пазнае працы Грамыкі па высокім гарызонце: мастак першым стаў пісаць беларускую прыроду з вышыні птушынага палёту, падкрэсліваючы яе маштаб кантрастам з рукатворнымі аб'ектамі накшталт дамоў ці машын.

Пейзаж Грамыкі – гэта заўсёды метафара. Сямікласнікам Віктар трапіў на вайну і партызаніў. Потым, ужо адвучыўшыся ў мастацкіх вучэльнях і інстытуце, ён плённа рэфлексаваў ваенны вопыт не ў лоб, а праз сімвалы і асацыяцыі. То-бок, чырвоны колер гліністых зямель Полаччыны – гэта зусім не пра надвор’е. Паспрабуй адчуць і разам з аўтарам «абняць неадбымнае» – увесь белы свет.

Выставу «Віктар Грамыка. Абняць неабдымнае» можна наведаць да 22 студзеня.

Фота: palasatka

Культурная праграма

2883