У Нацмузеі – выстава беларускага касцюма. Чаму яе абавязкова варта наведаць?

28.09.2023 - 13:37 / 34travel.me

У Нацмузеі – выстава беларускага касцюма. Чаму яе абавязкова варта наведаць?

Культурная праграма

29

9 верасня ў Нацыянальным мастацкім музеі адкрылася выстава «Анталогія прыгажосці. Традыцыйны беларускі касцюм». Мы папрасілі адну з куратарак выставы Вікторыю Пракошыну распавесці, як рыхтавалі выставу і чаму яе нельга прапускаць.

«Анталогія прыгажосці. Традыцыйны беларускі касцюм» – гэта маштабны праект, які паказвае рэгіянальныя асаблівасці народнага касцюма. На выставе можна ўбачыць аб’екты з шасці этнаграфічных рэгіёнаў Беларусі: Заходняга і Усходняга Палесся, Падзвіння, Падняпроўя, Панямоння і Цэнтральнай Беларусі.

Вікторыя Пракошына, навуковая супрацоўнікца навукова-фондавага аддзела Нацыянальнага мастацкага музея:

– Выставы касцюма некалькіх рэгіёнаў Беларусі ўжо праводзіліся ў «Музеі народнай творчасці»[філіял Нацыянальнагя мастацкага музея – 34]. Аднак было зразумела, што для таго, каб паказаць вялікую разнастайнасць лакальных варыянтаў, патрэбна збіраць касцюмы літаральна па ўсіх музеях Беларусі.

На жаль, з-за таго, што, напрыклад, на Віцебшчыне і Гарадзеншчыне рана адмовіліся ад традыцыйнага адзення, шмат якія камплекты былі згублены назаўжды. Таму, каб годна адлюстраваць багацце кожнага рэгіёна, мы звярталіся ў Віцебскі цэнтр народнай творчасці і Гарадоцкі і Сенненскі Дамы рамёстваў – так мы змаглі адрадзіць некаторыя веды і рэканструяваць унікальныя тэхнікі ткацтва і набіванкі. Але гэта адзінкавыя выпадкі. Пераважная большасць касцюмаў (а іх на выставе ўсяго 78) – гэта аўтэнтычныя рэчы канца XIX – пачатку XX стст.

Самае цікавае і каштоўнае ў гэтай выставе – гэта тое, як пададзены гэтыя касцюмы. Дзякуючы навукоўцам, якія прысвяцілі ўсё сваё жыццё вывучэнню касцюма, стала магчымым паказаць такую вялікую колькасць спосабаў нашэння жаночых галаўных убораў.

У гэтай выставе мы імкнуліся паказаць і нейкую эвалюцыю касцюма. Мода ніколі не стаяла на месцы, таму шмат якія рэчы ўдасканальваліся паводле густу часу, абнаўляліся, але ні ў якім разе не